رواية إمسك حرامي الحلقة الأولي
لايك وكومنت علشان الحلقات توصل للكل
ممنوع النقل أو المشاركه بدون إسم الكاتب
رواية إمسك حرامي
بقلم نورالهدي
============
الحلقة ١
عدت سنتين.. وكمال ابو الليل عايش في الحارة.. أهله اللي اتولد في وسطهم..لكنه بيكرههم كره العمي .. لإنه لسه فاكر موقفهم زمان لما عرفوا خبر إعدام أبوه .. ووزعوا الشربات علي بعض.. والستات صوت زغاريدها كانت جايبه لآخر الحارة.. وقتها زعل وكره العيشه وسطهم.. وطفش من الحارة.. وبقي يبات ف الشارع مع الأطفال المتسولين.. وأقسم في نفسه يرجعلهم في يوم من الايام ويدفعهم تمن اللي عملوه غالي.. وفعلا عدت السنين وبقي واحد من البلطجية الكبار.. ورجع الحارة واشتري قهوة فيها.. ومن يومها اسمه بقي يتردد في كل حته فيها .. وصحي ذكري أبوه من جديد.. وبقوا يعملوله ألف حساب.. لدرجة سموا الحارة علي اسمه .. لإنه الشخص الوحيد المميز فيها.. وبقي إسمها حارة أبو الليل.
البلطجية أصحابه كانوا بيزوروه كل ليله ويقضوا السهرة معاه.. مخدرات.. وخمرة.. وستات وكل ده في المستخبي.. ورا جدار القهوة الخلفي.. ويعتبر جدار سري... بعيد عن عيون الحكومة.
وفي ليلة من الليالي
أبو الليل كان سهران في القهوة مع واحد من أصحابه البلطجية .. وبيتكلموا بصوت أقرب للهمس ..
البلطجي: الفلوووووس يابو عمو.. وبعدين الرزق بيحب الخفية.. مش كده ولا إيه!!
ابو الليل : كده ونص.. أومال فين الحته؟!!
البلطجي: أنهي حتة..؟!!
أبو الليل بضيق: يعني هتكون إيه يابو مخ ضلم..!! التمثال يا غبي .. ؟!!
البلطجي ابتسم وقال: اااااه..!! عندي في البيت.. متخافش.. في الحفظ والصون..؟!!
ابو الليل بضيق: في البيت عندك بتهبب إيه؟!!
البلطجي: جري إيه يا معلم..!! مش احنا اتفقنا أخليها عندي لحد ما تلاقي مشتري كويس يتمنها ؟!
ابو الليل: طب انا لقيت المشتري.. هاتها بقي؟!
البلطجي: طب ما نتمم البيعه عندي في البيت أحسن.. البيوت سترة..!!
فكر ابو الليل بخبث: حلو الكلام..!! وبالمرة كده ظبطلنا قعده حلوة تعدل مزاجنا .. ولا انت عاوزها تبقي قعده أورديحي..!! ومنحتفلش بالبيعه ..؟!!
ضحك البلطجي وقال: هههههه إزاي يا عمنا ..من عنيا حاضر.. هظبطلك أحلاها قعده .. ونحتفل للصبح..؟!!
ابو الليل بخبث: وانا يا سيدي من جهتي هجبلك حته بت زي لهطه القشطه تنعنش القعده وتفرفشنا..؟!
البلطجي بلهفه: هتجيب نعناعه..؟!!
ضحك أبو الليل وقال بخبث : ههههههههه هي البت دي لسه داخله دماغك ..؟!!
البلطجي: أوووووي.. دي عليها هزة وسط ولا تحية كاريوكا في زمانها..!!
ضحك أبو الليل بصوت عالي وقال: ههههههههههه إيش جاب لجاب يا أعمش .. هو في واحده في الدنيا رقصها زي تحية كاريوكا.. ولا ف جمال تحية كاريوكا !!
البلطجي:طب وحياة نسوانك الأربعه يا معلم.. لو ليك دلال عليها هاتها معاك بكره..!!
ابو الليل: مش بقولك غبي ومخك ضلم.. يعني ملقيتش حاجه عليها القيمه تحلفني بيها غير نسواني الأربعة..!! علي العموم خلاص هاجبهالك.. وهنتبسط بكره اخر انبساط .!!
.............................................
فيلا عبد العال فرغلي
كريمة قاعده علي كرسي أنتريه فخم.. وسرحانه في صورة جوزها المتعلقه قدامها علي الجدار .. وفجأة دخل حلمي ابنها الكبير.. وبص لعيونها المدمعه وسألها بحنية : ها.. الكلام وصل ما بينكم لحد فين..؟!
مسحت كريمة عيونها وقالتله: ياااه.. مين قالك إن الكلام ما بينا بيخلص.. كلامنا عمره ما بيخلص أبداا يا حبيبي.. لا هو حي.. ولا هو ميت..!!
حلمي بدهشة: للدرجة دي..!!
كريمة بحزن: الله يرحمه ويحسن إليه... كان كلامه بلسم.. يتحط علي الجرح يطيب.. واحشني أوي.. واحشني صوته وكلامه .. وحشتني حنية قلبه.. وحشتني كل حاجه فيه.. !!
حلمي حن لأبوه.. فعيونه دمعت.. لكن برغم كده ابتسم وقال بلهجه المزح علشان يهون الحزن علي امه: يا عيني يا عيني.. تصدقي تنفع مقطع أغنية؟!!
كريمة ضحكت برغم حزنها وقالت : ههههه جاتك إيه يا واد..!! عارف ..!! طول عمري بقول فيك شبه كتير منه...!! حتي في خفه دمه.!!ربنا يخليك ليا إنت وأخوك ولا يحرمنيش منكم أبدا يارب..!!
حلمي بضيق : بذمتك زكي يبقي أخويا .. ده لا شبه بابا ولا شبهك ولا شبهي.. والله أنا شاكك انكم لقيتوه زمان علي باب جامع ومخبيين عليا.. !!
ضحكت كريمة وقالت: هههههه بس يا واد.. وطي صوتك ليكون نازل من اوضته ويسمعك..!!
حلمي: بذمتك عندي حق ولا لا؟!!
كريمة: ههههه يا واد بقولك بس .. متقولش علي اخوك كده.. هو صحيح طالع شيطاني دمه تقيل حبتين بس معلش اخر العنقود بقي ونستحمله ههههه.!!
حلمي بسخرية : دمه تقيل حبتين بس.. قولي تلاته.. اربعه.. ده عاوز جردل مية سخنه يمكن دمه يخف ويتلحلح ويطلع بره الجمود اللي هو فيه..!!
كريمة: هههههههههه يا واد بس ليسمعك .. أقولك.. سيبك منه وتعال نحكي في حاجه تانية..!!
حلمي بضيق: ياريت يسمع .. هو انتي ليه بتدلعيه لحد دلوقتي..؟!! دلعك ليه خلاه لوح تلج وأناني عديم المسئولية .. شوفي عدي علي وفاة ابويا قد إيه.. قرب يكمل سنة.. ومفكرش ينزل الشركة ويعرف الشغل ماشي فيها ازاي.. مش ليه في الشركة زي ما ليا.. ولا أنا أتعب وأشقي وهو ياخد فلوس علي الجاهز يتسرمح بيها مع أصحابه في الكباريهات ..!!
كريمة بضيق: معلش يابني أخوك الصغير واستحمله.. بكره يهدي ويعقل.. ومهما حصل ملكومش غير بعض...!!
حلمي بغضب: هو انا كل ما اكلمك عنه تقوليلي آخر العنقود وأخويا الصغير.. اللي يسمعك كده يفتكر إنه لسه عيل في الروضه..مش راجل كبير ومتجوز ومعاه بنت..يعني المفروض يشيل مسئولية البيت معايا .. ويشتغل في الشركة زيي زيه
كريمة بضيق: ربنا يهديه.. ويصلح حاله.. ابقي كلمه بالهداوة يمكن يسمع كلامك !!
حلمي بضيق: كلمته كتير وانتي عارفه كده كويس .. لحد ما تعبت وزهقت وقررت لا أكلمه بعد كده ولا ليا دعوة بيه.. لاني كل ما اكلمه بيعند أكتر فخليه علي كده لحد ما يشبع من الأنتخه اللي هو فيها..
....................................................
زكي في أوضته بيلبس هدومه وبيتجهز للخروج.. وصافيناز مراته قاعده علي السرير بتتوجع من تعب الحمل..
زكي مش مهتم بتعبها وبيسألها بضيق : فين الكرافته المخططه..؟!!
صافيناز وهي بتتوجع: أكيد عندك في الدولاب.. دور عليها..!!
زكي بغضب: ولما أنا أدور عليها.. يبقي انتي فايدتك إيه..!!
صافيناز بتتوجع: ده مش وقت خناق يا زكي .. تعبانه .. إلبس أي حاجه عندك ..!!
زكي بغصب: يعني إيه ألبس أي حاجه.. يعني ألبس لونين مش لايقين علي بعض .. ولا أقلع الطقم كله علشان كرافته مش موجوده في مكانها.. إيه الإهمال ده.. وكمان مش مكسوفه من إهمالك وتقومي تتلحلحي من مكانك وتدوري عليها ... !!
صافيناز وهي بتتوجع: هو انت إيه.. مبتحسش.. قولتلك تعبانه ومش قادرة أتحرك من مكاني.. أعملك إيه علشان تصدق إني تعبانه بجد..!! واحد غيرك ميخرجش ويفضل جنبي يمكن أولد علي غفلة واحتاجك...!!
زكي قلع البدلة اللي كان لابسها.. ولبس بدلة تانيه .. وطلع الكرافته بتاعتها وهو بيقول باللامبالاه : ليه.. هو أنا الداية اللي هتولدك.. وبعدين معاكي في البيت أمي وأخويا ومراته.. كل دول مش مكفيينك.. وعمرهم ما قصروا معاكي في حاجه
صافيناز بضيق: بس إنت حاجه وهما حاجه.. إنت جوزي.. ووجودك جنبي في اللحظه دي هتفرق معايا كتير.. هو أنا مفيش مرة أحتاجك وألقاك جنبي..!
زكي باللامبالاه: وأنا لو كنت لبست الكرافته المخططه انهارده كانت هتفرق معايا كتير.. بس ملقيتهاش ولبست غيرها...!!
صافيناز وهي بتتوجع قالت بعصبيه: أنا بتكلم في إيه وإنت بتتكلم في إيييه..!!
زكي تجاهل الرد وخرج..
صرخت صافيناز من الوجع وقالت بأعلي صوتها وبغضب: ياااااااااااارب صبرني علي اللي أنا فيه..!!
...............................................
حلمي طلع لأوضته فلقي نهلة مراته مستنياه.. .. وأول ما شافته جريت عليه بلهفه وحضنته وقالت : حبيبي.. حمدالله علي سلامتك..!!
حلمي ابتسم وقال: الله يسلمك يا حبيبتي.. أحمد نام!!
نهلة: من بدرري.. وزمانه دلوقتي بياكل رز مع الملايكه!!
حلمي ابتسم وقال: يا بخته..!! أنا كمان تعبااااان ونفسي أنااااااام!!
نهلة بابتسامه: ألف سلامه عليك يا حبيبي..!!
حلمي: الله يسلمك..!!
نهلة: أخبار الشغل معاك إيه..؟!
حلمي: الحمد لله..ماشي تمام..
نهلة: طب الحمد لله..!!
حلمي: لما اتصلتي عليا في الشغل كنت حاسك عاوزة تقولي حاجه..!!
نهلة بتردد: امم اه كنت.. بس حسيتك مشغول ومينفعش أقولك ..!!
حلمي : حبيبتي ولا يهمك.. حتي لو مشغول أفضيلك نفسي ..!!
نهلة ابتسمت وقالت: ربنا يخليك ليا يا حبيبي.. كنت عاوزة أقولك بقالنا زمان مروحناش لبيت أهلي سوا.. ممكن تيجي معايا بكره.. لحسن بيسألوني عليك دايما.. وكل مرة بقولهم المره الجاية هييجي معايا..!!
حلمي سكت دقيقه يفكر وبعدها رد وقال: ماشي .. هحاول بكره أخلص شغلي بدري.. وأجيلك علي بعد المغرب تكوني جاهزة ونروح..!!
فرحت نهلة وحضنته جامد وهي بتقول: ربنا ميحرمنيش منك ياحبيبي !!
..................................................
في الحارة..
دخل زعتر بيته في وقت متأخر .. فلقي زينب مراته مستنياه ومديحه بنتهم نايمة علي حجرها فسألها بدهشة: لسه صاحية..؟!!
زينب بضيق: ومن إمتي بنام من قبل ما ترجع واطمن عليك..؟!
زعتر بتردد: طب خلاص.. اديني رجعت واطمنتي عليا.. روحي نامي.!!
زينب شالت البنت براحه علي ايديها وهي بتقول : هنوم البت علي السرير وهجهزلك العشا..!
زعتر بتردد: لا.. متجهزيش حاجه.. مليش نفس..!!
زينب بضيق : كل يوم تقولي ملكش نفس..!!
سكت زعتر ومردش
زينب بلهجه عتاب: لحد إمتي هتفضل علي الحال ده .. بقالك كتير.. من يوم ما أشتغلت مع أبو الليل الله يقطعه.. وانت حالك اتشقلب.. وبقيت زعتر تاني غير زعتر اللي انا حبيته واتجوزته.. زعتر اللي انا اتجوزته كان جدع وشهم .. وبيمدش إيده علي الحرام .. أما زعتر اللي قدامي دلوقتي.. بلطجي ومدمن وبقي يجيني علي وش الفجر يدبس زي الحرامية.!!
زعتر بضيق: قصدك زعتر بتاع زمان كان شحات.. ومحيلتوش اللضه .. فاكره زمان.. كنا بنوفر من أكلنا وشربنا علشان مديحه تاكل وتنام شبعانه.. فاكره ولا نسيتي.. كان لازم أسرق أنهب أعمل أي حاجه علشان تباتي إنتي وبنتك شبعانين.. ومش محتاجين حاجه !!
زينب بضيق: بس أنا عمري ما أشتكيتلك .. وكنت راضية بقليلي معاك.. وكنت بنام مرتاحه ومبسوطة..بعكس دلوقتي مش عارفه أنام..!! وبفكر كتير وضميري مش مرتاح.. سيبك من سكة أبو الليل يا زعتر.. علشان خاطري.. وإرجع زي زمان.. !!
زعتر بضيق: إنتي اتلطشتي في عقلك يابت.. أسيب أبو الليل اللي باكل من وراه الشهد.. وأرجع حداد باليومية.. وياريتها يومية زي الناس مش شوية ملاليم..!!
زينب بضيق: الفلوس الحرام مفهاش بركة يا زعتر!!
زعتر بضيق: بس بتسد جوعنا .. ومعيشانا مستورين.. وبعدين إنتي حامل وعلي وش ولاده ومحتاجين مصاريف الأيام الجاية.. وبدل العيل هيبقوا اتنين.. هربيهم ازاي بالملاليم اللي هاخدهم من شغل الحدادة !!
زينب: فضل ونعمه.. وأنا راضيه يا سيدي.. وإن شالله أكلها بدوقة معاك .. وانا واثقه ربنا مش هيسيبنا وهيرزقنا برزق عيالنا
زعتر بغضب : لكن أنا مش راضي .. لإني محبتش الدوقة ولا عيشة الفقر.. عاجبك علي كده عاجبك.. ولو مش عاجبك إخبطي راسك في الحيط..!!
زينب بغضب: لا يا زعتر مش عاجبني.. ومش أنا اللي اخبط راسي في الحيط.. ولا اربي عيالي بفلوس حرام.. !!
زعتر بدهشة: يعني ايه.. !!
زينب: يعني خلاص.. كل واحد فينا يروح لحاله.. طلقني يا زعتر.. أنا جبت آخري معاك..وقفلت معايا !!
زعتر: انتي باين عليكي اتجننتي بجد .عايزة تشردي العيال يابت ..؟!
زينب بغضب: بالعكس .. أنا كده بحافظ عليهم.. وربنا يقدرني وأربيهم أحسن تربية؟!!
زعتر بسخرية: منين إن شاء الله..!!
زينب بأسي: هشتغل أي شغلانه شريفه.. ولو هسرح بمناديل في الشارع..!!
زعتر بغضب: وليه البهدلة يابت الناس .. ما انتي عايشه في بيتك طلباتك مجابة.. يا زينب انا مهما سرقت ولا نهبت مش هوصل لدرجه الحرامية الكبار اللي بيسرقوا ملايين ويبنوا أبراج.. فرق كبير ما بين الجعان اللي بيسرق علشان ياكل ويادوبك يعيش.. والشبعان اللي بيسرق علشان يبني أبراج وعماير.. بذمتك ربنا هيحاسبنا زي بعض.. !!
زينب بغضب: في الحرام مفيش خيار وفقوس.. الحرام حرام.. اللي بيسرق جنيه زي اللي بيسرق مليون..في الآخر الاتنين اسمهم حراميين.. هو ده اللي اعرفه.. اختار يا زعتر.. يا تمشي في سكتك اللي انت ماشي فيها مع ابو الليل ورجالته.. وابعد عنك انا والعيال .. يا تختارني انا وعيالك وتشتغل شغلانه شريفه..!!
زعتر بتردد : طب لا.. مش هسيب أبو الليل ولا هطلقك.. ؟!
زينب بغضب: كده.... طب انا هاخد العيال واطفش .. ومش هتعرفلي طريق جرة.. وفي الحالتين انت الخسران..!!
..............................................
ابوالليل سهران لوحده في الكباريه.. شافته من بعيد فكيهه الرقاصه..
فجاتله وقعدت معاه علي نفس التربيزة ورحبت بيه بدهشة وقالت: أهلا يا سيد المعلمين.. قاعد لوحدك يعني..!!
ابو الليل: عاوزك .. ومستنيكي تخلصي وتفضيلي..؟!
ابتسمت ورجعت بضهرها لورا وقالت بغرور: إيه.. أخيرا القلب رق وحن ولا إيه..!!
ابتسم ابو الليل ابتسامه صفرا وقال: ههه قولتلك قبل كده معنديش قلب للحب والكلام الفاضي ده ..!! ضحكت ضحكه عالية وقالت: لو معندكش قلب مكنتش تتجوز عمال علي بطال..!!
أبو الليل بلهجه الجد: بقولك ايه..ما تسيبك من الكلام الفاضي وخلينا في المليان!!
صدمها رده فحطت إيدها علي خدها وقالت: قووول يا خويا كلامك المليان.. خيييير اللهم اجعله خير؟!
ابو الليل بخبث: من ناحية خير.. فهو خير..وانتي عارفه ميجيش ورايا الا الخير.. صح ولا ايييه !!
ردت بسخرية: اااااه.. إنت هتقولي.. ده انت ملاك الخير بذات نفسه.. !!
ابو الليل حط ايده في جيبه وطلع كيس صغير فيه بودرة.. وعطاها لفكيهه من غير كلام..
مسكت الكيس وقالت باستغراب:إيه ده؟!
ابو الليل: سم!!
فكيهه ارتبكت ورمت الكيس علي التربيزة وهي بتقول : لمين السم ده؟!!
تجاهل أبو الليل الرد علي سؤالها وقال بلهجه الجد: بكره هتروحي معايا مشوار وهناك هتعرفي كل حاجه..!!
فكيهه اعترضت وقالت: لا يا حبيبي.. أنا لازم أعرف كل حاجه قبل ما اتنقل من مكاني..!!
فكر أبو الليل دقيقه وقال: في واحد شافك من فترة وعجبتيه .. فطلب مني أجيبك تسهري معانا بكره .. فأنا عاوزك تيجي تسهري معانا وتحطيله السم ده في أي حاجه وتخلصيني منه ..!!
فكيهه سكتت دقيقه وقالت:أنا أعرفه ؟!!
أبو الليل: مظنش هتفتكريه.. لإنه جه مرة واحده الكباريه ومجاش تاني..وافرض تعرفيه..كان هيصعب عليكي يعني ..!!
فكيهه : عاوز الحق..لأ.. الرجاله بالذات مش بيصعبوا عليا..!! ياريتني أقدر أسم كل الرجالة اللي في الدنيا واخلص كل الستات من بلاويهم..؟!!
ابو الليل ضحك ضحكه عالية وقال : ههههههه.. للدرجادي احنا غايظينك..؟!
فكيهه تجاهلت الرد علي سؤاله وقالت:قصر الكلام.. هتديني كام..؟!
أبو الليل مال عليا وهمس في ودنها : ألف ..!!
فكيهه: خليهم اتنين!!
أبو الليل بلهجه الجد : أنا قولت ألف .. ولو كترتي في الكلام هتعملي اللي هقولك عليه من غير ما تاخدي ولا مليم..!!
فكيهه ارتبكت في الكلام وقالت: وعلي إيه.. الألف حلوة ومبلوعه برده..!!
أبو الليل: أيووووه كده.. خليكي جدعه واسمعي الكلام.. هتلاقي الحوار خلص معاكي في ٥دقايق..!!
فكيهه سألت بتردد: أجيلك فين بكره؟! والساعه كام..؟!!
رواية إمسك حرامي
بقلم نور الهدي
ممنوع النقل أو المشاركه بدون إسم الكاتب
رواية إمسك حرامي
بقلم نورالهدي
============
الحلقة ١
عدت سنتين.. وكمال ابو الليل عايش في الحارة.. أهله اللي اتولد في وسطهم..لكنه بيكرههم كره العمي .. لإنه لسه فاكر موقفهم زمان لما عرفوا خبر إعدام أبوه .. ووزعوا الشربات علي بعض.. والستات صوت زغاريدها كانت جايبه لآخر الحارة.. وقتها زعل وكره العيشه وسطهم.. وطفش من الحارة.. وبقي يبات ف الشارع مع الأطفال المتسولين.. وأقسم في نفسه يرجعلهم في يوم من الايام ويدفعهم تمن اللي عملوه غالي.. وفعلا عدت السنين وبقي واحد من البلطجية الكبار.. ورجع الحارة واشتري قهوة فيها.. ومن يومها اسمه بقي يتردد في كل حته فيها .. وصحي ذكري أبوه من جديد.. وبقوا يعملوله ألف حساب.. لدرجة سموا الحارة علي اسمه .. لإنه الشخص الوحيد المميز فيها.. وبقي إسمها حارة أبو الليل.
البلطجية أصحابه كانوا بيزوروه كل ليله ويقضوا السهرة معاه.. مخدرات.. وخمرة.. وستات وكل ده في المستخبي.. ورا جدار القهوة الخلفي.. ويعتبر جدار سري... بعيد عن عيون الحكومة.
وفي ليلة من الليالي
أبو الليل كان سهران في القهوة مع واحد من أصحابه البلطجية .. وبيتكلموا بصوت أقرب للهمس ..
البلطجي: الفلوووووس يابو عمو.. وبعدين الرزق بيحب الخفية.. مش كده ولا إيه!!
ابو الليل : كده ونص.. أومال فين الحته؟!!
البلطجي: أنهي حتة..؟!!
أبو الليل بضيق: يعني هتكون إيه يابو مخ ضلم..!! التمثال يا غبي .. ؟!!
البلطجي ابتسم وقال: اااااه..!! عندي في البيت.. متخافش.. في الحفظ والصون..؟!!
ابو الليل بضيق: في البيت عندك بتهبب إيه؟!!
البلطجي: جري إيه يا معلم..!! مش احنا اتفقنا أخليها عندي لحد ما تلاقي مشتري كويس يتمنها ؟!
ابو الليل: طب انا لقيت المشتري.. هاتها بقي؟!
البلطجي: طب ما نتمم البيعه عندي في البيت أحسن.. البيوت سترة..!!
فكر ابو الليل بخبث: حلو الكلام..!! وبالمرة كده ظبطلنا قعده حلوة تعدل مزاجنا .. ولا انت عاوزها تبقي قعده أورديحي..!! ومنحتفلش بالبيعه ..؟!!
ضحك البلطجي وقال: هههههه إزاي يا عمنا ..من عنيا حاضر.. هظبطلك أحلاها قعده .. ونحتفل للصبح..؟!!
ابو الليل بخبث: وانا يا سيدي من جهتي هجبلك حته بت زي لهطه القشطه تنعنش القعده وتفرفشنا..؟!
البلطجي بلهفه: هتجيب نعناعه..؟!!
ضحك أبو الليل وقال بخبث : ههههههههه هي البت دي لسه داخله دماغك ..؟!!
البلطجي: أوووووي.. دي عليها هزة وسط ولا تحية كاريوكا في زمانها..!!
ضحك أبو الليل بصوت عالي وقال: ههههههههههه إيش جاب لجاب يا أعمش .. هو في واحده في الدنيا رقصها زي تحية كاريوكا.. ولا ف جمال تحية كاريوكا !!
البلطجي:طب وحياة نسوانك الأربعه يا معلم.. لو ليك دلال عليها هاتها معاك بكره..!!
ابو الليل: مش بقولك غبي ومخك ضلم.. يعني ملقيتش حاجه عليها القيمه تحلفني بيها غير نسواني الأربعة..!! علي العموم خلاص هاجبهالك.. وهنتبسط بكره اخر انبساط .!!
.............................................
فيلا عبد العال فرغلي
كريمة قاعده علي كرسي أنتريه فخم.. وسرحانه في صورة جوزها المتعلقه قدامها علي الجدار .. وفجأة دخل حلمي ابنها الكبير.. وبص لعيونها المدمعه وسألها بحنية : ها.. الكلام وصل ما بينكم لحد فين..؟!
مسحت كريمة عيونها وقالتله: ياااه.. مين قالك إن الكلام ما بينا بيخلص.. كلامنا عمره ما بيخلص أبداا يا حبيبي.. لا هو حي.. ولا هو ميت..!!
حلمي بدهشة: للدرجة دي..!!
كريمة بحزن: الله يرحمه ويحسن إليه... كان كلامه بلسم.. يتحط علي الجرح يطيب.. واحشني أوي.. واحشني صوته وكلامه .. وحشتني حنية قلبه.. وحشتني كل حاجه فيه.. !!
حلمي حن لأبوه.. فعيونه دمعت.. لكن برغم كده ابتسم وقال بلهجه المزح علشان يهون الحزن علي امه: يا عيني يا عيني.. تصدقي تنفع مقطع أغنية؟!!
كريمة ضحكت برغم حزنها وقالت : ههههه جاتك إيه يا واد..!! عارف ..!! طول عمري بقول فيك شبه كتير منه...!! حتي في خفه دمه.!!ربنا يخليك ليا إنت وأخوك ولا يحرمنيش منكم أبدا يارب..!!
حلمي بضيق : بذمتك زكي يبقي أخويا .. ده لا شبه بابا ولا شبهك ولا شبهي.. والله أنا شاكك انكم لقيتوه زمان علي باب جامع ومخبيين عليا.. !!
ضحكت كريمة وقالت: هههههه بس يا واد.. وطي صوتك ليكون نازل من اوضته ويسمعك..!!
حلمي: بذمتك عندي حق ولا لا؟!!
كريمة: ههههه يا واد بقولك بس .. متقولش علي اخوك كده.. هو صحيح طالع شيطاني دمه تقيل حبتين بس معلش اخر العنقود بقي ونستحمله ههههه.!!
حلمي بسخرية : دمه تقيل حبتين بس.. قولي تلاته.. اربعه.. ده عاوز جردل مية سخنه يمكن دمه يخف ويتلحلح ويطلع بره الجمود اللي هو فيه..!!
كريمة: هههههههههه يا واد بس ليسمعك .. أقولك.. سيبك منه وتعال نحكي في حاجه تانية..!!
حلمي بضيق: ياريت يسمع .. هو انتي ليه بتدلعيه لحد دلوقتي..؟!! دلعك ليه خلاه لوح تلج وأناني عديم المسئولية .. شوفي عدي علي وفاة ابويا قد إيه.. قرب يكمل سنة.. ومفكرش ينزل الشركة ويعرف الشغل ماشي فيها ازاي.. مش ليه في الشركة زي ما ليا.. ولا أنا أتعب وأشقي وهو ياخد فلوس علي الجاهز يتسرمح بيها مع أصحابه في الكباريهات ..!!
كريمة بضيق: معلش يابني أخوك الصغير واستحمله.. بكره يهدي ويعقل.. ومهما حصل ملكومش غير بعض...!!
حلمي بغضب: هو انا كل ما اكلمك عنه تقوليلي آخر العنقود وأخويا الصغير.. اللي يسمعك كده يفتكر إنه لسه عيل في الروضه..مش راجل كبير ومتجوز ومعاه بنت..يعني المفروض يشيل مسئولية البيت معايا .. ويشتغل في الشركة زيي زيه
كريمة بضيق: ربنا يهديه.. ويصلح حاله.. ابقي كلمه بالهداوة يمكن يسمع كلامك !!
حلمي بضيق: كلمته كتير وانتي عارفه كده كويس .. لحد ما تعبت وزهقت وقررت لا أكلمه بعد كده ولا ليا دعوة بيه.. لاني كل ما اكلمه بيعند أكتر فخليه علي كده لحد ما يشبع من الأنتخه اللي هو فيها..
....................................................
زكي في أوضته بيلبس هدومه وبيتجهز للخروج.. وصافيناز مراته قاعده علي السرير بتتوجع من تعب الحمل..
زكي مش مهتم بتعبها وبيسألها بضيق : فين الكرافته المخططه..؟!!
صافيناز وهي بتتوجع: أكيد عندك في الدولاب.. دور عليها..!!
زكي بغضب: ولما أنا أدور عليها.. يبقي انتي فايدتك إيه..!!
صافيناز بتتوجع: ده مش وقت خناق يا زكي .. تعبانه .. إلبس أي حاجه عندك ..!!
زكي بغصب: يعني إيه ألبس أي حاجه.. يعني ألبس لونين مش لايقين علي بعض .. ولا أقلع الطقم كله علشان كرافته مش موجوده في مكانها.. إيه الإهمال ده.. وكمان مش مكسوفه من إهمالك وتقومي تتلحلحي من مكانك وتدوري عليها ... !!
صافيناز وهي بتتوجع: هو انت إيه.. مبتحسش.. قولتلك تعبانه ومش قادرة أتحرك من مكاني.. أعملك إيه علشان تصدق إني تعبانه بجد..!! واحد غيرك ميخرجش ويفضل جنبي يمكن أولد علي غفلة واحتاجك...!!
زكي قلع البدلة اللي كان لابسها.. ولبس بدلة تانيه .. وطلع الكرافته بتاعتها وهو بيقول باللامبالاه : ليه.. هو أنا الداية اللي هتولدك.. وبعدين معاكي في البيت أمي وأخويا ومراته.. كل دول مش مكفيينك.. وعمرهم ما قصروا معاكي في حاجه
صافيناز بضيق: بس إنت حاجه وهما حاجه.. إنت جوزي.. ووجودك جنبي في اللحظه دي هتفرق معايا كتير.. هو أنا مفيش مرة أحتاجك وألقاك جنبي..!
زكي باللامبالاه: وأنا لو كنت لبست الكرافته المخططه انهارده كانت هتفرق معايا كتير.. بس ملقيتهاش ولبست غيرها...!!
صافيناز وهي بتتوجع قالت بعصبيه: أنا بتكلم في إيه وإنت بتتكلم في إيييه..!!
زكي تجاهل الرد وخرج..
صرخت صافيناز من الوجع وقالت بأعلي صوتها وبغضب: ياااااااااااارب صبرني علي اللي أنا فيه..!!
...............................................
حلمي طلع لأوضته فلقي نهلة مراته مستنياه.. .. وأول ما شافته جريت عليه بلهفه وحضنته وقالت : حبيبي.. حمدالله علي سلامتك..!!
حلمي ابتسم وقال: الله يسلمك يا حبيبتي.. أحمد نام!!
نهلة: من بدرري.. وزمانه دلوقتي بياكل رز مع الملايكه!!
حلمي ابتسم وقال: يا بخته..!! أنا كمان تعبااااان ونفسي أنااااااام!!
نهلة بابتسامه: ألف سلامه عليك يا حبيبي..!!
حلمي: الله يسلمك..!!
نهلة: أخبار الشغل معاك إيه..؟!
حلمي: الحمد لله..ماشي تمام..
نهلة: طب الحمد لله..!!
حلمي: لما اتصلتي عليا في الشغل كنت حاسك عاوزة تقولي حاجه..!!
نهلة بتردد: امم اه كنت.. بس حسيتك مشغول ومينفعش أقولك ..!!
حلمي : حبيبتي ولا يهمك.. حتي لو مشغول أفضيلك نفسي ..!!
نهلة ابتسمت وقالت: ربنا يخليك ليا يا حبيبي.. كنت عاوزة أقولك بقالنا زمان مروحناش لبيت أهلي سوا.. ممكن تيجي معايا بكره.. لحسن بيسألوني عليك دايما.. وكل مرة بقولهم المره الجاية هييجي معايا..!!
حلمي سكت دقيقه يفكر وبعدها رد وقال: ماشي .. هحاول بكره أخلص شغلي بدري.. وأجيلك علي بعد المغرب تكوني جاهزة ونروح..!!
فرحت نهلة وحضنته جامد وهي بتقول: ربنا ميحرمنيش منك ياحبيبي !!
..................................................
في الحارة..
دخل زعتر بيته في وقت متأخر .. فلقي زينب مراته مستنياه ومديحه بنتهم نايمة علي حجرها فسألها بدهشة: لسه صاحية..؟!!
زينب بضيق: ومن إمتي بنام من قبل ما ترجع واطمن عليك..؟!
زعتر بتردد: طب خلاص.. اديني رجعت واطمنتي عليا.. روحي نامي.!!
زينب شالت البنت براحه علي ايديها وهي بتقول : هنوم البت علي السرير وهجهزلك العشا..!
زعتر بتردد: لا.. متجهزيش حاجه.. مليش نفس..!!
زينب بضيق : كل يوم تقولي ملكش نفس..!!
سكت زعتر ومردش
زينب بلهجه عتاب: لحد إمتي هتفضل علي الحال ده .. بقالك كتير.. من يوم ما أشتغلت مع أبو الليل الله يقطعه.. وانت حالك اتشقلب.. وبقيت زعتر تاني غير زعتر اللي انا حبيته واتجوزته.. زعتر اللي انا اتجوزته كان جدع وشهم .. وبيمدش إيده علي الحرام .. أما زعتر اللي قدامي دلوقتي.. بلطجي ومدمن وبقي يجيني علي وش الفجر يدبس زي الحرامية.!!
زعتر بضيق: قصدك زعتر بتاع زمان كان شحات.. ومحيلتوش اللضه .. فاكره زمان.. كنا بنوفر من أكلنا وشربنا علشان مديحه تاكل وتنام شبعانه.. فاكره ولا نسيتي.. كان لازم أسرق أنهب أعمل أي حاجه علشان تباتي إنتي وبنتك شبعانين.. ومش محتاجين حاجه !!
زينب بضيق: بس أنا عمري ما أشتكيتلك .. وكنت راضية بقليلي معاك.. وكنت بنام مرتاحه ومبسوطة..بعكس دلوقتي مش عارفه أنام..!! وبفكر كتير وضميري مش مرتاح.. سيبك من سكة أبو الليل يا زعتر.. علشان خاطري.. وإرجع زي زمان.. !!
زعتر بضيق: إنتي اتلطشتي في عقلك يابت.. أسيب أبو الليل اللي باكل من وراه الشهد.. وأرجع حداد باليومية.. وياريتها يومية زي الناس مش شوية ملاليم..!!
زينب بضيق: الفلوس الحرام مفهاش بركة يا زعتر!!
زعتر بضيق: بس بتسد جوعنا .. ومعيشانا مستورين.. وبعدين إنتي حامل وعلي وش ولاده ومحتاجين مصاريف الأيام الجاية.. وبدل العيل هيبقوا اتنين.. هربيهم ازاي بالملاليم اللي هاخدهم من شغل الحدادة !!
زينب: فضل ونعمه.. وأنا راضيه يا سيدي.. وإن شالله أكلها بدوقة معاك .. وانا واثقه ربنا مش هيسيبنا وهيرزقنا برزق عيالنا
زعتر بغضب : لكن أنا مش راضي .. لإني محبتش الدوقة ولا عيشة الفقر.. عاجبك علي كده عاجبك.. ولو مش عاجبك إخبطي راسك في الحيط..!!
زينب بغضب: لا يا زعتر مش عاجبني.. ومش أنا اللي اخبط راسي في الحيط.. ولا اربي عيالي بفلوس حرام.. !!
زعتر بدهشة: يعني ايه.. !!
زينب: يعني خلاص.. كل واحد فينا يروح لحاله.. طلقني يا زعتر.. أنا جبت آخري معاك..وقفلت معايا !!
زعتر: انتي باين عليكي اتجننتي بجد .عايزة تشردي العيال يابت ..؟!
زينب بغضب: بالعكس .. أنا كده بحافظ عليهم.. وربنا يقدرني وأربيهم أحسن تربية؟!!
زعتر بسخرية: منين إن شاء الله..!!
زينب بأسي: هشتغل أي شغلانه شريفه.. ولو هسرح بمناديل في الشارع..!!
زعتر بغضب: وليه البهدلة يابت الناس .. ما انتي عايشه في بيتك طلباتك مجابة.. يا زينب انا مهما سرقت ولا نهبت مش هوصل لدرجه الحرامية الكبار اللي بيسرقوا ملايين ويبنوا أبراج.. فرق كبير ما بين الجعان اللي بيسرق علشان ياكل ويادوبك يعيش.. والشبعان اللي بيسرق علشان يبني أبراج وعماير.. بذمتك ربنا هيحاسبنا زي بعض.. !!
زينب بغضب: في الحرام مفيش خيار وفقوس.. الحرام حرام.. اللي بيسرق جنيه زي اللي بيسرق مليون..في الآخر الاتنين اسمهم حراميين.. هو ده اللي اعرفه.. اختار يا زعتر.. يا تمشي في سكتك اللي انت ماشي فيها مع ابو الليل ورجالته.. وابعد عنك انا والعيال .. يا تختارني انا وعيالك وتشتغل شغلانه شريفه..!!
زعتر بتردد : طب لا.. مش هسيب أبو الليل ولا هطلقك.. ؟!
زينب بغضب: كده.... طب انا هاخد العيال واطفش .. ومش هتعرفلي طريق جرة.. وفي الحالتين انت الخسران..!!
..............................................
ابوالليل سهران لوحده في الكباريه.. شافته من بعيد فكيهه الرقاصه..
فجاتله وقعدت معاه علي نفس التربيزة ورحبت بيه بدهشة وقالت: أهلا يا سيد المعلمين.. قاعد لوحدك يعني..!!
ابو الليل: عاوزك .. ومستنيكي تخلصي وتفضيلي..؟!
ابتسمت ورجعت بضهرها لورا وقالت بغرور: إيه.. أخيرا القلب رق وحن ولا إيه..!!
ابتسم ابو الليل ابتسامه صفرا وقال: ههه قولتلك قبل كده معنديش قلب للحب والكلام الفاضي ده ..!! ضحكت ضحكه عالية وقالت: لو معندكش قلب مكنتش تتجوز عمال علي بطال..!!
أبو الليل بلهجه الجد: بقولك ايه..ما تسيبك من الكلام الفاضي وخلينا في المليان!!
صدمها رده فحطت إيدها علي خدها وقالت: قووول يا خويا كلامك المليان.. خيييير اللهم اجعله خير؟!
ابو الليل بخبث: من ناحية خير.. فهو خير..وانتي عارفه ميجيش ورايا الا الخير.. صح ولا ايييه !!
ردت بسخرية: اااااه.. إنت هتقولي.. ده انت ملاك الخير بذات نفسه.. !!
ابو الليل حط ايده في جيبه وطلع كيس صغير فيه بودرة.. وعطاها لفكيهه من غير كلام..
مسكت الكيس وقالت باستغراب:إيه ده؟!
ابو الليل: سم!!
فكيهه ارتبكت ورمت الكيس علي التربيزة وهي بتقول : لمين السم ده؟!!
تجاهل أبو الليل الرد علي سؤالها وقال بلهجه الجد: بكره هتروحي معايا مشوار وهناك هتعرفي كل حاجه..!!
فكيهه اعترضت وقالت: لا يا حبيبي.. أنا لازم أعرف كل حاجه قبل ما اتنقل من مكاني..!!
فكر أبو الليل دقيقه وقال: في واحد شافك من فترة وعجبتيه .. فطلب مني أجيبك تسهري معانا بكره .. فأنا عاوزك تيجي تسهري معانا وتحطيله السم ده في أي حاجه وتخلصيني منه ..!!
فكيهه سكتت دقيقه وقالت:أنا أعرفه ؟!!
أبو الليل: مظنش هتفتكريه.. لإنه جه مرة واحده الكباريه ومجاش تاني..وافرض تعرفيه..كان هيصعب عليكي يعني ..!!
فكيهه : عاوز الحق..لأ.. الرجاله بالذات مش بيصعبوا عليا..!! ياريتني أقدر أسم كل الرجالة اللي في الدنيا واخلص كل الستات من بلاويهم..؟!!
ابو الليل ضحك ضحكه عالية وقال : ههههههه.. للدرجادي احنا غايظينك..؟!
فكيهه تجاهلت الرد علي سؤاله وقالت:قصر الكلام.. هتديني كام..؟!
أبو الليل مال عليا وهمس في ودنها : ألف ..!!
فكيهه: خليهم اتنين!!
أبو الليل بلهجه الجد : أنا قولت ألف .. ولو كترتي في الكلام هتعملي اللي هقولك عليه من غير ما تاخدي ولا مليم..!!
فكيهه ارتبكت في الكلام وقالت: وعلي إيه.. الألف حلوة ومبلوعه برده..!!
أبو الليل: أيووووه كده.. خليكي جدعه واسمعي الكلام.. هتلاقي الحوار خلص معاكي في ٥دقايق..!!
فكيهه سألت بتردد: أجيلك فين بكره؟! والساعه كام..؟!!
بقلم نور الهدي
تعليقات
إرسال تعليق